नेपालमा कोरोना संक्रमण लगातार उकालो लाग्न थालेको छ।पछिल्लो केही दिनयता दैनिक कोरोनाबाट संक्रमित हुनेको संख्या बढेको छ।पछिल्लो २४ घण्टामा देशभर १५ हजार ८१ को कोरोना परिक्षणमा ३ हजार ५५३ संक्रमित थपिएका छन्।
देशभरका प्रयोगशालाबाट १० हजार ४९८ जनाको पीसीआर गर्दा २ हजार ९ सय २२ र ४ हजार ५८३ जनाको एन्टिजेन परिक्षणमा ६३१ गरी ३ हजार ५५३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
बुधबार ३ हजार ७५ संक्रमित थपिएका थिए। यो सँगै देशभर संक्रमित हुनेको संख्या ९ लाख ३९ हजार ९२२ पुगेको छ ।यसैगरी पछिलो २४ घण्टामा २७१ संक्रमित डिस्चार्ज भएसँगै संक्रमित भई निको हुनेको सङ्ख्या ८ लाख १५ हजार ३४७ पुगेको छ।
संक्रमित भन्दा संक्रमणमुक्त हुने संख्या घट्दै गएपछि सक्रिय संक्रमित बढेका छन्। हाल सक्रिय संक्रमितको संख्या १४ हजार ३४० पुगेको छ भने सङ्क्रमणमुक्त हुनेको दर ९६.९ प्रतिशत रहेको छ।
यस्तै पछिल्लो २४ घण्टामा संक्रमणका कारण १ जनाको मृत्यु भएसँगै हालसम्म सङ्क्रमणका कारण मृत्यु हुनेको संख्या एघार हजार ६१० पुगेकोे मन्त्रालयको तथ्याङ्कमा उल्लेख गरिएको छ।
