उत्तरी धादिङको रुवीभ्याली गाउँपालिका वडा नं १ तिप्लिङमा सडक खन्ने क्रममा गएको पहिरोमा बेपत्ताहरू अझै भेटिएका छैनन् ।
बिहिबार बिहान करिब साढे ७ बजे तिप्लिङ्गको पुरु नजिकै लबदुङबाट लिङ्जोतर्फ जाने सडक खन्ने क्रममा झरेको पहिरोले डोजरसहित स्थानिय २५ वर्षिय अनिस तामाङ, काभ्रेका स्काभेटर चालक २७ वर्षिय आकाश तामाङ, र सहचालक २० वर्षिय राजु तामाङ पुरिएको प्रहरीले जनाएको छ ।
बेपत्ताको खोजीका लागि सदरमुकामबाट नेपाली सेनाको शिवदलगणका २० जना शसस्त्र प्रहरी बल धादिङ गुल्मका ११ जना र जिल्ला प्रहरी कार्यालय धादिङ र सेर्तुङ प्रहरी चौकिका ५ जना गरी ३६ जनाको टोलीले खोजी जारी राखेका छन् ।
तर उनीहरुको अवस्था अझै अज्ञात छ ।बिहिबार साँझसम्म खोज्दा नभेटिएपछि आज बिहानबाट पुनःखोजी कार्य सुरु गरिएको जिल्ला प्रहरी कार्यालय धादिङका प्रवक्ता डिएसपी जागेश्वर भण्डारीले जानकारी दिनुभयो।
