धादिङ,०७ माघ ।
पछिल्लो केही सातायता दैनिक कोरोनाबाट संक्रमित हुनेको संख्या लगातार बढ्रदै गएकोे छ। पछिल्लो २४ घण्टामा देशभर २३ हजार ९२ नमुना परीक्षण गर्दा १० हजार ७०३ जनामा कोरोना संक्रमण पुष्टि भएको छ ।
देशभरका प्रयोगशालाबाट १८ हजार ६१८ जनाको पीसीआर गर्दा ८ हजार ८१५ र ४ हजार ४७४ जनाको एन्टिजेन परिक्षणमा १ हजार ८८८ गरी १० हजार ७०३ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
बिहिबार १२ हजार ३३८ संक्रमित थपिएका थिए। यो सँगै देशभर संक्रमित हुनेको संख्या १० लाख ६ हजार ५९१ पुगेको छ ।यसैगरी पछिल्लो २४ घण्टामा ७६६ संक्रमित डिस्चार्ज भएसँगै संक्रमित भई निको हुनेको सङ्ख्या ८ लाख १९ हजार ५७५ पुगेको छ। सक्रिय संक्रमितको संख्या ६५ हजार ३७४ पुगेको छ भने सङ्क्रमणमुक्त हुनेको दर ९१.४ प्रतिशत रहेको छ।
यस्तै पछिल्लो २४ घण्टामा संक्रमणका कारण ३ जनाको मृत्यु भएसँगै हालसम्म सङ्क्रमणका कारण मृत्यु हुनेको संख्या एघार हजार ६३५ पुगेकोे स्वास्थ्य तथा जनसङ्ख्या मन्त्रालयले जनाएको छ।
देशभर संक्रमित हुनेको संख्या १० लाख नाघ्यो
