पछिल्लो २४ घण्टामा देशभर २५ हजार ९०९ नमुना परीक्षण गर्दा १२ हजार ८ जनामा कोरोना संक्रमण पुष्टि भएको छ।
आज देशभरका प्रयोगशालाबाट १८ हजार १०३ जनाको पीसीआर गर्दा ९ हजार ४३२ र ७ हजार ८०६ जनाको एन्टिजेन परिक्षणमा २ हजार ५ सय ७६ गरी १२ हजार ८ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
सोमबार १० हजार ३१९ संक्रमित थपिएका थिए। यो सँगै देशभर संक्रमित हुनेको संख्या १० लाख ४५ हजार ६३४ पुगेको छ ।
यसैगरी पछिल्लो २४ घण्टामा ३ हजार ४० संक्रमित डिस्चार्ज भएसँगै संक्रमित भई निको हुनेको सङ्ख्या ८ लाख २७ हजार २६९ पुगेको छ। सक्रिय संक्रमितको संख्या ८८ हजार ९३० पुगेको छ भने सङ्क्रमणमुक्त हुनेको दर ८९ दशमलब २ प्रतिशत रहेको छ।
यस्तै पछिल्लो २४ घण्टामा संक्रमणका कारण ८ जनाको मृत्यु भएसँगै हालसम्म सङ्क्रमणका कारण मृत्यु हुनेको संख्या एघार हजार ६६७ पुगेकोे स्वास्थ्य तथा जनसंख्या मन्त्रालयले जनाएको छ।
