धादिङको धुनीबेशी नगरपालिकामा टिपर दुर्घटना हुँदा एक जनाको मृत्यु भएको छ भने एक जना घाईते भएका छन् ।
गएराति पौने ३ बजे पृथ्वी लोकमार्ग अन्तरगत धुनीबेसी नगरपालिका–९ स्थित बिस किलोमा काठमाडौंबाट खानीखोला तर्फ जाँदै गरेको बा ४ ख ११६२ नम्बरको टिपर अनियन्त्रित भई सडकबाट अन्दाजी २० मिटर तल खस्दा चालकको घटनास्थलमै मृत्यु भएको ईलाका प्रहरी कार्यालय खानीखोलाले जनाएको छ ।
मृत्यु हुनेमा धुनीबेसी–८ भदौरेका ३२ बर्षीय राज कुमार श्रेष्ठ रहेका छन्। यस्तै दुर्घटनामा घाईते भएका सह–चालक काठमाडौंका २० वर्षीय सविन कुँवरलाई उपचारको लागी राष्ट्रिय ट्रमा सेन्टर काठमाडौं प्रहरीले जनाएको छ।
