काठमाडौं, ९ चैत
प्रजातन्त्रवादी प्राध्यापक संघ वाल्मीकिमा मुरलीधर दाहाल नेतृत्वको प्यानल नै विजयी भएको छ । मंगलबार सम्पन्न अधिवेशनबाट सहप्राध्यापक मुरलीधर दाहालको अध्यक्षतामा ११ सदस्यीय समिति निर्वाचित भएको छ ।
डा. मुकुन्द लामिछाने नेतृत्वको समूहलाई पराजित गर्दै दाहालको समूह प्यानल नै विजयी भएको हो । समितिको उपाध्यक्षमा डा. भवानीशंकर अधिकारी, सचिवमा डा. रामप्रसाद पौडेल, सहसचिवमा शान्तरत्न बज्राचार्य र कोषाध्यक्षमा डा. नारायाण निरौला निर्वाचित भएका छन् ।
त्यस्तै समितिका सदस्यहरुमा डा. ध्रुवप्रसाद भट्टराई, हीरानन्द तिमल्सिना, रामहरि कोइराला, चिन्तामणि भट्टराई, सुरेशराज पौडेल, नेत्रप्रसाद अधिकारी निर्वाचित भएका छन् ।
यसैगरी, केन्द्रीय महाधिवेशन प्रतिनिधिको पनि चुनाव सम्पन्न भएको छ । जसअन्तर्गत दाहाल पक्षबाट १३ जना निर्वाचित भएका छन् । जसमा अच्युत लामिछाने, अर्जुनबाबु दाहाल, उमेशप्रसाद घिमिरे, कृष्ण रिजाल, डा. गणेशप्रसाद घिमिरे, डा. जयन्त आचार्य, डा. धनेश्वर नेपाल, डा.ध्रुवप्रसाद भट्टराई, नारायणप्रसाद बराल, रामहरि कोइराला, रोदना घिमिरे, डा. शान्तिकृष्ण अधिकारी र सीताराम खतिवडा निर्वाचित भएका छन् ।
त्यसैगरी, लामिछाने प्यानलबाट चारजना निर्वाचित भएका छन् । जसमा ध्रुव ज्ञवाली, विमला शर्मा, शम्भुराज गौतम र डा. माधव पाण्डे छन् ।
