धादिङ,१३ चैत।
किशोरीलाई जबरजस्ती करणी गरेको आरोपमा भक्तपुरबाट धादिङका एकजना युवक पक्राउ परेका छन् ।
१५ वर्षीया किशोरीलाई बलात्कार गरेको आरोपमा भक्तपुरको भक्तपुर नगरपालिका–६ स्थित डेकोचाबाट शनिबार राति धादिङको ज्वालामुखी गाउँपालिका–४ मैदी घर भएका २२ वर्षीय राज परियार पक्राउ परेका हुन्।
किशोरी र राजु गाउँबाट काठमाडौंमा आएर लिभिङ टुगेदर बस्न थालेका भक्तपुर परिसरका डिएसपी राजु पाण्डेले जानकारी दिनुभयो।
उमेर नपुगेका कारण विवाह गर्नेबारे असमझदारी भएपछि किशोरीका परिवारले उनीविरुद्ध बलात्कारको उजुरी दिए अनुसार परियारलाई पक्राउ गरिएको प्रहरीले जनाएको छ।
