धादिङ,१९ चैत।
वैदेशिक रोजगारलाई सुरक्षित बनाउन धादिङमा प्रहरीसँग अन्तरक्रिया गरिएको छ। वैदेशिक रोजगारीमा देखिएका समस्या न्युनिकरण गर्न र वैदेशिक रोजगारलाई सुरक्षित बनाउनको लागिप्रहरी सँग अन्तरक्रिया कार्यक्रमको आयोजना गरिएको हो।
नेपाल सरकार श्रम रोजगार तथा सामाजिक सुरक्षा मन्त्रालय र सामी हेल्भेटास स्विस ईन्टर कोअपरेशन नेपालको साझेदारीमा नीलकण्ठ नगरपालिकाद्वारा सन्चालित सुरक्षित आप्रवासन सामी परियोजना अन्तरगत सम्पन्न भएको अन्तरक्रिया कार्यक्रममा ३८ जना प्रहरीहरुको सहभागिता रहेको थियो ।
कार्यक्रममा प्रमुख जिल्ला अधिकारी कृष्ण प्रसाद लम्साल, सहायक प्रमुख जिल्ला अधिकारी ध्रुर्व प्रसाद कोईराला, सुरक्षित आप्रवासन सामी परियोजनाका कार्यक्रम अधिकृत कमलबहादुर रोकाय, कार्यक्रम संयोजक दिनेश दुवाडी, सुचना तथा परामर्शकर्ता विनोद ढकाल लगायत जिल्लाका प्रहरी चौकी ईन्चार्जहरुको उपस्थिती रहेको थियो ।
कार्यक्रममा सामी कार्यक्रम संयोजक दिनेश दुवाडीले सामी परियोजनाले जिल्लामा गरका कामहरुको बारेमा जानकारी गराउनु भएको थियो ।बैदेशिक रोजगारको क्रममा देखिएका समस्या र प्रहरी प्रशासनले खेल्नुपर्ने भूमिका, बैदेशिक रोजगार विभाग र प्रहरी सँग भएको सम्झौता अनुसार प्रहरीले खेल्नुपर्ने भुमिका र आगामी दिनमा सहयोग र सहकार्य कसरी गर्न सकिन्छ भन्ने विषयमा छलफल भएको थियो ।
यसैगरी सहायक प्रमुख जिल्ला अधिकारी कोईरालाले बैदेशिक रोजगारको क्रममा हुने ठगी लगायतका समस्याहरुलाई कम गर्नको लागि प्रहरीको ठुलो भुमिका हुने बताउनुभयो। यसैगरी प्रमुख जिल्ला अधिकारी लम्सालले बैदेशिक रोजगारलाई सुरक्षित, भरपर्दो र मर्यादित बनाउनको लागि हामि सबैले सक्दो सहयोग गर्नुपर्ने बताउनुभयो ।
सामी परियोजनाले जिल्लामा निकै राम्रो काम गरेको भन्दै उहाँले प्रशासन र परियोजना बिच आपसी समझदारी गरि काम गर्ने स्पष्ट पार्नुभयो । यसैगरी कार्यक्रममा प्रहरी निरीक्षक रन्जन अवाले वैदेशिक रोजगारमा हुने ठगी र मानव बेचबिखनको समस्या न्यूनिकरणका लागि प्रहरीले सक्दो सहयोग गर्ने प्रतिवद्धता व्यक्त गर्नुभयो ।
