धादिङ,२१ चैत।
धादिङको गजुरी गाउँपालिका वडा नं. ६ आदमघाटबाट १० किलो लागुऔषध गाँजा सहित एक जना महिला पक्राउ परेकी छिन्। पक्राउ पर्नेमा गजुरी गाउँपालिका वडा नं. ८ पुरानो गाउँ बस्ने वर्ष ४९ की राममाया तामाङ रहेकी छिन्।
शुक्रबार बेलुकी पृथ्वी राजमार्ग अन्तरगत अस्थाई प्रहरी पोष्ट आदमघाटको कार्यालय भवन अगाडी झोलाहरु बोकी हिडि संकास्पद हर्कत देखाएकोले तामाङलाई चेकजाँच गर्ने क्रममा उनको साथबाट लागु औषध गाजा १० किलो ४०० ग्राम, नगद विस हजार र साधारण मोबाटईल सेट १ थान बरामद गरेको प्रहरीले जनाएको छ।
तामाङलाई धादिङ जिल्ला अदालतबाट म्याद थप गरी थप अनुसन्धान भईरहेको ईलाका प्रहरी कार्यालय गजुरीले जनाएको छ।
