धादिङ,२१ चैत।
नेपालमा थप ३३ जनामा कोरोना भाइरसको सङ्क्रमण पुष्टि भएको छ ।गत २४ घन्टामा देशभर ५ हजार ५९ कोरोना परीक्षण गर्दा ३३ संक्रमित थपिएका छने भने ८९ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ । अब देशभर सक्रिय सङ्क्रमितको सङ्ख्या ८ सय ४२ जना मात्रै रहेको छ।
देशभर २ हजार ९४२ आरटी पिसिआर परीक्षणमा ३२ जनामा संक्रमण पुष्टि भएको छ भने २ हजार १६७ एन्टिजेन परीक्षणमा १ संक्रमित थपिए।यस्तै संक्रमण कारण मृत्यु शुन्य रहेको छ ।
योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार ६५८ पुगेको छ भने ११ हजार ९ सय ५१ जनाको मृत्यु भएको छ। देशभर आजसम्म ११ लाख १८ हजार ७१४ कोभिड संक्रमित भएको मन्त्रालयको तथ्याङकमा उल्लेख छ ।
