धादिङ,२८ चैत।
वाग्मती प्रदेशका मुख्यमन्त्री राजेन्द्र पाण्डेले अहिले जनताले सूर्य चिन्ह छाड्न नमानेको गुनासो गर्नुभएको छ।एमाले हुँद आफूहरुले एमाले र सूर्य चिन्ह चिनाएको तर बिचार दिन नसकेको भन्दै उहाँले अहिले जनताहरुले तपाईँले हिँडाएको बाटोमा हिँड्छौँ तर सूर्य चिन्ह चाहिँ छाड्दैनौँ भन्ने गरेको बताउनुभयो।
नेकपा एकीकृत समाजवादीले रामेछापको खाँडादेवीमा आयोजना गरेको कार्यक्रमका बोल्दै मुख्यमन्त्री पाण्डेले दुईतिहाइ नजिकको कम्युनिष्ट सरकार गुटबन्दीकै कारण ढलेको उहाँले बताउनुभयो ।पार्टी भित्रको गुटबन्दीकै कारण नेकपा एमाले टुक्रिएको बताउनुभएको छ ।
राजनीतिक नियुक्ति लगायतका निर्णयमा तत्कालीन प्रधानमन्त्री केपी शर्मा ओलीले भागबन्डा गर्न नसकेकै कारण ओली सरकार ढलेको उहाँले बताउनुभयो । राजनीतिक नियुक्ति गर्दा पार्टीमा निर्णय गरेर गर्नुस् भन्दा नमानेको कारण केपी ओलीको सरकार ढालिएको उहाँले प्रष्ट पार्नुभयो । आफू मुख्यमन्त्री भएपछि कुनै पनि बजेट नकाटेको उहाँले स्पष्टीकरण दिनुभयो ।
खर्च हुन नसक्ने बजेट मात्र अन्यत्र खर्च गरेको उहाँले दाबी गर्नुभयो । आफ्नो पालामा काम गर्न नसकेका एमालेका मन्त्रीले आफ्नो बदनाम गर्न राजेन्द्र पाण्डेले बजेट काट्यो भन्ने आरोप लगाएका उहाँले बताउनुभयो । सात महिनाको बिचमा माधव नेपालले गठन गरेको पार्टी देशव्यापी बनिसकेको उहाँले बताउनुभयो ।
आउने स्थानीय तह निर्वाचनमा सो पार्टीले सानदार हैसियत बनाउने उहाँले दाबी गर्नुभयो । एमाले पार्टी राष्ट्रको रक्षाको निम्ति काम गर्न नसक्ने पार्टी नबनेको उहाँले बताउनुभयो । अब एमालेमा रहेका असल र इमानदार कार्यकर्ता आफ्नो पार्टीमा आउने उहाँले दाबी गर्नुभयो ।आफ्नो पार्टी गठबन्धनबाट चुनावमा जाने उहाँले दोहो¥याउनु भयो ।
तर समाजवादी सानो पार्टी छ भनेर गठबन्धनका अन्य दलले हेपे नयाँ ढङ्गबाट अघि बढ्ने उहाँले चेतावनी दिनुभयो ।
