धादिङ,०४ बैशाख।
उत्तरी धादिङको रुवी भ्याली गाउँपालिकाको सेर्तुङमा रहेको ग्रामिण अस्पतालमा एम्बुलेन्स सेवा संचालनमा आएको छ ।
यातायातको पहुँच पुग्न नसकेको सेर्तुङमा अहिले सडक सञ्जाल पुगेपछि पहिलो पटक एम्बुलेन्स सेवा संचालनमा आएको हो । स्थानिय सरकार आएपछि निरन्तर सडक विस्तारको प्रयास गर्दा अन्तिम बर्षसम्म आईपुग्दा सडक सञ्जाल जोड्न सफल भएको गाउँपालिकाका अध्यक्ष चेरुङ तामाङले बताउनुभयो ।
पहिले केही दुर्घटना वा विपद्मा परेका ब्यक्तिलाई उद्धार गर्न हेलिकप्टरको प्रयोग गर्नुपर्ने तथा अप्ठ्यारो परिस्थिती झेल्नुपर्ने बाध्यता अब हटेको उपाध्यक्ष बिना लामाले बताउनुभयो ।
सडक नपुग्दा स्थानियबासीलाई खाद्यान्नलगायत आधारभूत सामानहरु घरसम्म लैजान खच्चर तथा लामो बाटो मान्छेले नै बोकेर लानुपर्ने समस्या थियो ।
तर अब यातायातको पहुँच पुगेसँगै धेरै सहज भएको स्थानियले बताएका छन्। धेरै समय यातायातको पहुँचबाहिर रहेका सेर्तुङबासी अहिले गाउँमै सडक पुगेपछी खुशी भएका छन् ।
