धादिङ, १९ वैशाख ।
धादिङमा ३ जना वडा सदस्य निर्विरोध निर्वाचित भएका छन् ।
निर्वाचित हुनेहरुमा धादिङको खनियाबास गाउँपालिका वडा नं ४ मा दलित महिला सदस्य नेपाली काँग्रेसकी उम्मेदवार विमला नेपाली, गंगाजमुना गाउँपालिका वडा नं ४ को महिला सदस्य नेकपा एमालेकी उम्मेदवार रत्न माया घले र रुवी भ्याली गाउँपालिका वडा नं १ मा दलित महिला सदस्य नेपाली काँग्रेसकी उम्मेदवार रस माया कामी हुनुहुन्छ ।
स्थानीय तह सदस्य निर्वाचन कार्यक्रमअन्तर्गत बैशाख ११ र १२ गते भएको मनोनयन दर्ताका क्रममा दलित महिला सदस्य र महिला पदमा १/१ जनाको मात्र उम्मेदवारी परेकोले उहाँहरु निर्विरोध हुनुभएको जिल्ला निर्वाचन कार्यालय धादिङले जानकारी दिएको छ ।
गंगाजमुना–४ मा नेकपा एमालेबाट मात्र उम्मेद्वारी परेको थियो खनियाबास–४ र रुवी भ्याली–१ मा नेपाली कांग्रेसबाट मात्र उम्मेद्वारी परेको थियो ।
