बसेरी,१९ बैशाख ।
गाउँको साधारण र सरकारी विद्यालयका अध्यान गरेर पनि उच्च शिक्षा हासिल गर्न सफल गंगाजमुना गाउँपालिका वडा नम्बर ६ निवासी ४५ वर्षीय भक्तबहादुर लामीछाने गंगाजमुना गाउँपालिका अध्यक्षको उम्मेदवार हुनुहुन्छ।
निडर निस्ठाका पात्रको रुपमा परिचित लामीछाने गंगाजुनाबासीका लागि परिचित र असल अभिभावको रुपमा छबि बनाउनुभएको छ। साधारण नेपालीकोको जस्तै रहनसहन, आनीबानी रस्वभाव अनि जिवनशैलीका कारण गंगाजमुनामा रुचाइएका पात्र हुन लामीछाने ।
प्राथमिक तहको शिक्षा बसेरीस्थित शिवालय निमाविमा अध्ययन पछि माध्यमिक तहको शिक्षा तत्कालिन बुढाथुम गाउँविसकास समिति स्थित बद्रीबिशाल माध्यामिक विद्यालयमा पुरा गर्नुभएको हो ।
२०४९ मा प्रवेशिका परिक्षा उतिर्ण गरेपछि काठमाण्डौ स्थित सरस्वति क्याम्पसकोरात्री कक्षा पढ्न पुग्नु भएका लामीछाने अनेरास्ववियुको रात्री शिफ्टको अध्यक्ष हुनुभयो । विद्यालय स्तरमा समेत अनेरास्ववियुको प्रभावमा रहनुभएका लामीछाने २०४६ पछिनेताहरुलाई गाउँलगेर भाषण गराएको स्मरण गर्दै त्यतिखेरकोनारा समेत संझिनुहुन्छ, “जेलको ताला टुटायौँ, बन्दी साथी छुटायौँ” तत्कालिन समयमा गरेको विद्यार्थीको आन्दोलन र यसकोसफलताका लागि अगुवाइ गर्ने नेताको रुपमा लामीछानेलाई चिनिन्छ । २०५९ मा मकाओ जानु भएका भक्तबहादुर लामीछाने विदेश पुग्दा पनि एमालेको मकाओ प्रवास कमिटि बनाएर त्यसकोस.स्थापक अध्यक्ष हुनुभएको थियो ।
विदेशबाट फर्केपछि २०६८ मा तत्कालिन बसेरी गाउँ कमिटि अध्यक्ष हुभएको । २०७४ मा संघियता लागुभएपछि उहाँ निरन्तर नेकपा एमालेको गाउँपार्टी कमिटिअध्यक्षको जिम्मेवारी सम्हाल्दै आउनुभएको छ । २०७४ को स्थानीय तहकोे निर्वाचनमा गंगाजमुना गाउँपालिका वडा नम्बर ६ को वडा अध्यक्ष अत्याधिक मतले विजयी भएपछि गाउँको योजना र विकासमा तल्लिन हुनुभएको थियो ।
सडक निर्माण गर्दा वर्षाको समयमा चल्नेगरि ढुंगाको सोलिङ गर्ने, घुम्तीहरुमा ढलान गर्ने, कृषिका लागि आवस्यकताको आधारमा काम गर्ने, समृद्ध बसेरी बनाउनका लागि उपलब्ध श्रोतहरुको परिचालन गरेर अधिकतम काम गर्न सफल भएको लामीछानेको भनाइ छ ।
अहिले नेकपा एमालेको तर्फबाट गाउँपालिका अध्यक्षमा सर्वसम्मत रुपमा टिकट पाएपछि उम्मेदवारहुनुभएको छ। आफू गाउँपालिका अध्यक्ष निर्वाचित हुनेमा ढुक्क हुँदै लामीछानेले आफ्ना विकासका प्रतिवद्धताहरु सार्वजनिक गर्नुभएको छ । नेकपा एमालेले समेत पालिका स्तरको प्रतिवद्धतापत्र सार्वजनिक समेत गरिसकेको छ ।
गंगाजमुना लामो र विकट भुगोल भएकोले यसलाई रिङरोड बनाउने, गंगाजमुना लगायतका स्थानमा पर्यटन मार्ग बनाउने, रि क्षेत्रलाई चित्राफुंगाको संरक्षण विकास र व्यवसायिक बनाउने, उतदित कृषि उपजमालाई पुरस्कृत गर्ने, बजारी करणमा समेत सहजीकरण गर्ने, गाउँगाउँबाट पालिका सम्म आपतकालिन विरामीहरुलाई निशुल्क ल्याउने, विद्यालयहरुलाई अंग्रैजी माध्याममा लाने, स्वास्थ्इ संस्थाहरुमा एक्सरे सेवा विस्तार गर्ने, कृषि प्राविधिक शिक्षामा जोड दिने र प्रोत्साहन गर्ने, चिमचोक धुसेनी पासाङचोक क्षेत्रमा निजि क्षेत्रको साझेदारीमा केवुलकार राख्ने जस्ता प्रतिवद्धताहरु रहेकोले विकासका लागि मत दिन लामीछानेले मतदाताहरु समक्ष आग्रह गर्नुभएको छ ।
