धादिङ,२६ बैशाख ।
स्थानीय तहको निर्वाचन आउन अब चार दिन बाँकी रहेको छ ।निर्वाचनमा मतपत्रमा कसरी मत हाल्ने भन्ने बारेमा नागरीकहरु अन्योलमा परेका छन्।
निर्वाचनकाृे दिन नजिकिए पनि धादिङ जिल्लाका अधिकांश मतदाताले मतदाता शिक्षाका बारेमा ज्ञान नपाउँदा अन्योलमा परेका हुन् ।लामो मतपत्र रहेकोले कसरी मतपत्रमा स्वस्तिक छाप लगाउने भन्ने बारेमा स्थानीय अन्यौलमा परेका हुन् ।
बिभिन्न राजनितिक दलका उम्मेदावारले निर्बाचन आफ्नो पक्षमा पार्न आ–आफ्नो तरीकाले मतदाताका बीच जाने गरेको भए पनि जिल्ला निर्वाचन कार्यालयले भने मतदाता शिक्षामा खासै ध्यान दिएको देखिदैन ।
धादिङमा मतदाता शिक्षा सम्बन्धी सञ्चार माध्याममा प्रसारण तथा प्रकाशन गर्न लगायत मतपत्रमा मत हाल्न मतदातालाई शिक्षा दिएको जिल्ला निर्वाचन कार्यालय धादिङले जनाएको छ ।
मतदाता शिक्षाको अभावका कारण निर्बाचनमा अधिकाशं मत बदर हुने सम्भावना रहेको छ । जसको प्रत्यक्ष प्रभाव निर्वाचनको मतदान पर्ने निश्चित देखिएको छ ।
