धादिङ,२६ बैशाख ।
बेनीघाट रोराङ गाउँपालिका वडा नम्बर ३ रिचोकटार निवासी ६२ वर्षीय देबप्रसाद त्रिपाठी धादिङ कम्यूनिष्ट आन्दोलनमा परिचित नामहो ।
शिक्षासेवी, सामाजिक आन्दोलनकाअ गुवा र सामाजिक परिवर्तनका संवाहको अगुवा नेताको रुपमा परिचित त्रिपाठीलाई नेकपा एमालेले बेनिघाट रोराङ गाउँपालिका अध्यक्ष पदको उम्मेदवार बनाएको छ ।
२०३५ सालमा अनेरास्ववियुबाट आफूलाई राजनितिमा लगाउनुभएका त्रिपाठी २०३७ मा कम्यूनिष्ट युवा लिगमा संगठित हुनुभयो । २०४० मा तत्कालिन माले पार्टीमा सहभागि हुन थालेको ५ वर्षपछि उहाँलाई २०४५ मा पार्टी सदस्याता प्राप्त गरेपछि जिल्ला कमिटि सदस्य हुनुभयो । प्रजातान्त्रिक राष्ट्रिय युवासंघ धादिङको २०४७ मा संस्थापक अध्यक्ष हुनुभएका त्रिपाठी नेपाल राष्ट्रिय शिक्षक संगठनको २०५७ देखि ०६३ सम्म धादिङ जिल्लाको अध्यक्ष र त्यसपछि नेपाल शिक्षक युनियनको धादिङ अध्यक्षको रुपमा ३ वाषको कार्यकाल पुरा गर्नुभएको थियो ।
शालिन शान्त स्वाभावका तर दर्शन र राजनितिक प्रशिक्षणले खारिनुभएका त्रिपाठी २०७६ सम्म जिल्ला कमिटि सदस्य हुनुभएको थियो । लामो विद्यार्थी राजनिति, शिक्षक आन्दोलन र तत्कालिन नेकपा मालेहुँदै एमालेको निरन्तर राजनितिक आन्दोलनमा अविचलित लाग्नुभएका शिक्षा सेवी त्रिपाठी २०७७ मा नेकपा एमाले बागमिति प्रदेश कमिटि सदस्य हुनुभएको छ ।
२०३३ सालभदौ ७ गतेबाट राक्सीङमा रहेको महेन्द्रोदय प्राविबाट शिक्षक सेवामा प्रवेश गर्नुभएका देबप्रसाद त्रिपाठी २०५७ मंसिर १५ बाट बागेश्वरी मावि रिचोकटारको प्रधानाध्याक हुनुभयो । २०७५ फागुन २५ गते शिक्षकबाट सेवा निवृत्त हुँदा जिल्ला शिक्षा कार्यालयले सम्मान पत्र समेत दिएको थियो । त्रिपाठी शिक्षक मात्र नभएर सहकारीको अभियनता मेत हुनुहुन्थ्यो । २०५३ मा मलेखुमा खुलेको जनकल्याण बचत तथा ऋण सहकारी सस्थाकाबाट सहकारीमा सहभागि गराउनुभएको थियो । धादिङ बचत संघ स्थापना गरि २०५७ मा उहाँ संस्थापक अध्यक्ष समेत हुनुभएको पाइन्छ ।
शिक्षक रहँदा जिल्लामा चर्चित प्रधानाध्याकको नाम थियो त्रिपाठीको । उहाँले विद्यालयमा आएको श्रोतहरुको उच्चतम प्रयोग गरि विद्यालयलाई नमूना बनाउनुभएको रिचोकटारका जानकारहरुको भनाइ छ । कम्यूनिष्ट पार्टीको कार्यकर्ता भएका कारण अब्बल हुनु पर्छ । इमान्दार हुनुपर्छ भनेर अरुलाई सिकाउने त्रिपाठी आफू जिवनका समेत अब्बल बनेर शिक्षा आन्दोलन, विद्यालयको शिक्षामा सुधार गर्दै जिल्लामा नमुना बनाउनुभएको थियो ।
समाजका कुरिति, कुसंस्कारहरुको अन्त्य गरि समाजलाई अघि बढाउने र राजनितिक रुपमा नागरिकलाई प्रशिक्षित गर्नुभएका त्रिपाठी समाज सुधारक समेत हुनुभएकोले बेनिघाट बासीले मनपराएको सूर्यध्वजाबहाक उम्मेदवारको रुपमा परिचित हुनुहुन्छ । गाउँमा कुनै नयाँकाम गर्नुपर्यो, विद्यालय खोल्नु पर्यो भने सोधी खोजी गर्ने पात्र नै देबप्रसाद त्रिपाठी भएकोले तत्कालिन अवस्थामा समेत बिएड उतिर्ण गरेकै कारण साझा व्यक्तित्वको रुपमा रहेकोले कम्यूनिष्ट अभिभावको रुपमालिने गरिएको छ ।
गाउँपालिकामा विजय हासिल गरेका नेकपा एमालेले कृषि, पशुपालन, शिक्षा, स्वास्थ्य, व्यवसाय, पर्यटन, पुर्वाधारको विकास रोराङ समृद्धिको आधार भन्ने दिर्घकालिन सोच अनुसार काम गर्ने प्रतिवद्धता एकाले को छ। एमालेले हाम्रो चाहना शिक्षा, स्वास्थ्य, कृषि, पशु, पर्यटन र पुर्वाधार विकासमा प्राथमिकता, औद्योगिकरण तथा व्यवसायिकरण, स्थानीय अर्थतन्त्रको विकास, आन्तरिक तथा वाह्य पर्यटनमा जोड, व्यवस्थित भु–उपयोगको र योजनावद्ध विकास, वित्तिय साक्षरता सहित आर्थिक समृद्धिमा जोड, जलवायु अनुकुलन बालि पात्रो विकास र कार्यन्वयन, जनसहभागिता सहित नतिजामा आधारित विकास मोडल विकास, गुणस्तरीय सेवा प्रवाह, शुशासन र पारदर्शितामा जोड, सहयोग, समन्वयन र सहकार्य सहित दिगो विकास, स्थानीय रोजगार सृजनामा प्राथमिकता र खाद्यन्नवालीमा आत्मनिर्भरताको खोजि जस्ता सिद्धान्तको आधारमा काम गर्ने त्रिपाठीले बताउनु भएको छ ।
