धादिङ,०१ ज्येष्ठ ।
धादिङकोे सिद्धलेक गाउँपालिका वडा नं १ मा गठबन्धनबाट उम्मेदवार माओवादी केन्द्रका पेमा तामाङ प्यानल सहित बिजयी हुनुभएको छ । तामाङले नेकपा एमालेका उम्मेदवार ईश्वर सिलवाललाई ५२० मतान्तरले पराजित गर्दै बिजयी हुनुभएको हो ।
तामाङले वडाअध्यक्षमा १२ सय ४३ मत प्राप्त गर्नु भएको छ भने एमालेका उम्मेदवार सिलवालले ७२३ मत ल्याउनु भएको छ । उक्त वडामा २०७४ सालको निर्वाचानमा नेकपा एमालेले जितेको थियो ।
वडा नं १ मा गाउँपालिका अध्यक्षमा गठबन्धन तर्फ रुख चिन्हमा १२ सय ३७, उपाध्यक्षमा कलम चिन्हको १२ सय १९ मत प्राप्त भएको छ भने एमालेको अध्यक्ष सुर्य चिन्हमा ७६६ र उपाध्यक्ष पदमा सुर्य चिन्हमा ६९४ मत प्राप्त भएको छ ।
