धादिङ,०२ ज्येष्ठ ।
धादिङकोे नीलकण्ठ नगरपालिका वडा नं ४ मा नेकपा एमालेका उम्मेदवार हरी श्रेष्ठ प्यानल सहित बिजयी हुनुभएको छ ।
श्रेष्ठले नेपाली काँग्रेसका उम्मेदवार राजकुमार रानामगर लाई ४५३ मतान्तरले पराजित गर्दै बिजयी हुनुभएको हो । श्रेष्ठले वडाअध्यक्षमा ११ सय मत प्राप्त गर्नु भएको छ भने काँग्रेसका रानाले ६४७ मत ल्याउनु भएको छ ।
वडा नं ४ मा नगरपालिका प्रमुख पदमा सुर्य चिन्हको ९१६ , रुख चिन्हको ६९६ र उपप्रमुख पदमा सुर्य चिन्हको ८८२ मत प्राप्त भएको छ भने हसिया हथौडा चिन्हमा २६३ मत प्राप्त भएको छ ।
यसअघि नीलकण्ठ नगरपालिका वडा नं १ र २ मा माओवादी केन्द्रका उम्मेदवार र वडा नं ३ मा स्वतन्त्र उम्मेदवार विजयी भएका थिए ।
