धादिङ २९ जेठ।
नीलकण्ठ नगरपालिकाका मेयर भीम प्रसाद ढुंगानाले चरङ्गेफेदीमा निर्माण हुन लागेको त्रिवेणाी धामको लागि सहयोग गर्ने बताउनु भएको छ ।शनिवार नेत्रावती डबजोङ गाउँपालिका वडा नम्बर ५ चरङ्गेफेदीमा आयोजित बधाई तथा स्वागत कार्यक्रमलाई सम्बोधन गर्नुहुदै ढुंगानाले तिन वटा स्थानीय तह मिलेर त्रिवेणीधाम निर्माण गर्नुपर्ने बताउनुभयो ।
कार्यक्रमका प्रमुख अतिथी समेत रहनुभएका ढुंगानाले त्रिवेणीधाम निर्माणको लागि सबैभन्दा पहिला आफुलेनै प्रस्ताव ल्याएको भन्दै यस कार्य पुरा गर्नको लागि सबैसँग हातेमालो गरेर अघि बढ्ने समेत बताउनुभयो । गोकर्णेश्व महादेव मन्दिर त्रिवेणीधाम व्यावस्थापन समितिको आयोजनामा नवनिर्वाचित जनप्रतिनिधिहरुलाई बधाई तथा स्वागत कार्यक्रमलाई सम्बोधन गर्नुहुदै मेयर ढुंगानाले निर्वाचन अघि आफुले बोलेको कुरा पुरा गर्ने बताउनुभयो ।
त्रिवेणीधाम निर्माणको लागि आफुले दिएको वचन पुरा गरेको भन्दै उहाँले आगामी बर्षहरुमा पनि त्रिवेणीधाम निर्माणको लागि सहयोग गर्ने उद्घोष गर्नुभयो । गोकर्णेश्वर महादेव मन्दिर त्रिवेणीधाम व्यावस्थापन समितिका अध्यक्ष गणेश कुमार श्रेष्ठको अध्यक्षमा सम्पन्न भएको बधाई तथा स्वागत कार्यक्रममा नीलकण्ठ नगरपालिकाका मेयर भिम प्रसाद ढुंगानाको प्रमुख आतिथ्य रहेको थियो ।
नेपाली काँग्रेस धादिङका पुर्वसभापति रमेश धमलाको विशेष आतिथ्य रहेको कार्यक्रममा नेत्रावती डबजोङ गाउँपालिकाका अध्यक्ष मेधनाथ रिजाल,उपाध्यक्ष सीता चोदेन(तामाङ)त्रिपुरासुन्दरी गाउँपालिकाका उपाध्यक्ष देवराज धरेल,नीलकण्ठ नगरपलिका वडा नम्बर ८ का वडा अध्यक्ष प्रकाश कुमार श्रेष्ठ,नेत्रावती डबजोङ गाउँपालिका वडा नम्बर ५ का वडा अध्यक्ष हरि अधिकारी,त्रिपुरासुन्दरी गाउँपालिका वडा नम्बर ७ का वडा अध्यक्ष सुवास अधिकारी,एक्सन नेपाल धादिङका कार्यकारी निर्देशक कमल ढुंगाना लगायतको आतिथ्य रहेको थियो ।
कार्यक्रमलाई सम्बोधन गर्नुहुदै विशेष अतिथी रमेश धमलाले त्रिवेणीधाम निर्माणको लागि आफुले सकेको सहयोग गर्ने प्रतिबद्धता जनाउनुभएको छ । साथै उहाँले अक्षय कोष निर्माणको लागि नगद ५० हजार रुपैँया सहयोग गर्नुभएको छ ।यसैगरी नेत्रावती डबजोङ गाउँपालिकाका अध्यक्ष मेधनाथ रिजालले त्रिवेणी धाम निर्माणको लागि पाँच बर्षनै सहयोग गर्ने बताउनुभयो ।
प्रत्येक बर्ष बजेट बिनियोजन गरेर एक–एक वटा काम सम्पन्न गर्नको लागि गाउँपालिकाले सहयोग गर्ने बताउनुभयो । यसैगरी त्रिपुरासुन्दरी गाउँपालिकाका उपाध्यक्ष देवराज धरेलले त्रिवेणीधाम निर्माणको लागि गाउँपालिकाले सहयोग गर्ने प्रतिबद्धता जनाउनु भएको छ ।
