हेटौडा, २ असार ।
बागमती प्रदेशअन्तर्गत सबै स्थानीय तहमा बैंकका शाखाहरू पुगे पनि धादिङको रुबी भ्यालीमा भने अझै पुग्न सकेको छैन ।
बाग्मती प्रदेशका आर्थिक मामिला तथा योजना मन्त्री शालिकराम जम्मकट्टेलले बागमती प्रदेशमा दुई हजार ९४० बैंक तथा वित्तीय संस्थाका शाखाहरू स्थापना भएको जनाउँदै सो तथ्यांक सार्वजनिक गरेका हुन ।
‘२०७८ फागुन मसान्तसम्म धादिङ जिल्लाको रुबी भ्याली गाउँपालिकाबाहेक सबै स्थानीय तहमा वाणिज्य बैंकको शाखा पुगेको छ’ मन्त्री जम्मकट्टेले बजेट भाषणमा उल्लेख गर्दै भने ।
