धादिङ,०९ साउन।
सामूहिक बलात्कारको आरोपमा नेपाली कांग्रेसका नुवाकोट जिल्ला नेता सहित अर्का एक युवक पक्राउ परेका छन् । नुवाँकोट काँग्रस नेता मधुसुदन पाण्डे र बलात्कार आरोपी राजु राउत माथी हाल प्रहरीको हिरासतमा राखेर अनुसन्धान भैरहेको छ । सत्ताको नेतृत्व गरिरहेको एउटा दलका जिल्ला स्तरका नेता पक्राउ पर्नुले नेपाली राजनीतिक दलका अन्य नेतृत्व माथि समेत प्रश्न उठिरहेको छ ।
पीडित युवतीले महानगरीय प्रहरी वृत्त माली गाउँमा जाहेरी दिएपनि घटना पोखरामा भएको भन्दै कास्की प्रहरीलाई पठाइएको थियो । जाहेरी दर्ता भएपछि पाण्डे पक्राउ परेका थिए ।नुवाकोट क्षेत्र नम्बर २ प्रदेश (क) का नेपाली काँग्रेसका प्रवक्ता समेत रहेका पाण्डेका यस्ता क्रियाकलापले सिंगो नुवाँकोट काँग्रेसको अनुहारमा कालो धब्बा लागेको हुनुपर्छ ।
उता अर्का आरोपी राउत भास्ट वीन इन्जिनियरिङ कन्सल्टेन्सीका सन्चालक एवं इन्जिनियर तथा हाउजिङ व्यवसायी रहेको खुलेको छ । उनीहरु दुवैजना विभिन्न व्यवसाय संचालन गर्ने व्यवसायी हुन् । बलात्कार आरोप लागेका उनीहरुलाई निष्पक्ष छानविन गरी कडा भन्दा कडा कारबाही गर्नुपर्दछ ।
एउटा राजनीतिक दलका नेता जो समाजमा भैरहेको विभिन्न प्रकारका घटनाक्रमबाट समाजलाई जोगाउने, समाजमा सृजनात्मक कामका लागि अभियान संचालन गर्ने र सभ्य समाजको निर्माण अभियानमा जुट्नुपर्ने प्रतिनिधिको रुपमा रहनुपर्नेमा बलात्कार लगायतका जगन्य अपराधजन्य केसमा मुछिनुलाई कसरी बुझ्ने ?
के राजनीतिक दल, धन सम्पत्ति तथा पैसाको आडमा बलात्करजन्य घटनामा मुछिएकाहरुलाई कानून बमोजिम सजाएँ होला त ? कि पीडित भनिएकी महिलाले कुनै नराम्रो मनसाय राखेर पिडित भएको बहाना त बनाइरहेकी छैन ? यतातिर पनि प्रहरीले गम्भीरतापूर्वक ध्यान देओस् ।
सामाजिक संजालको माध्यमबाट चिनजान गरेकै आधारमा के के कारणले उनीहरु त्यसरी घर छाडेर हिडे ? त्यतातिर पनि शंका गर्ने ठाउँ त छँदैछ तर पनि बाटोमा भेट्न आउँदैमा जबरजस्ती शारीरिक सम्पर्क राख्न पाइदैन भन्ने कुरा ति नेताले किन बुझेनन् ?
के नेताले बोलाएको ठाउँमा आउँदा ति नेतृत्वले गिद्धे नजरले किन हेरे ? किन अनैतिक कामतिर लागे यो पछाडि उनका विगतका घटना, गतिविधि तथा क्रियाकलापलाई समेत ध्यान दिई उनलाई कारबाहीको दायरामा ल्याउनुपर्छ । सामान्य रुपमा भन्ने हो भने अन्य सामान्य खालका नागरिकहरुबाट अपराध हुँदा भन्दा यि नेतालाई दोब्बर कारबाहीको माग गर्नुपर्छ ।
यिनलाई कम्तिमा पनि दोब्बर सजाएँ होस् ।अब कुरा रह्यो उनी सम्बद्ध दल नेपाली काँग्रेसको पार्टीमा राम्रो योगदान गरेका वा नागरिकले पत्याउने खालका पात्रदलको नेतृत्वमा पुग्ने सरसर्ति बुझ्न सकिने भएपनि पछिल्लो समय पैसा पहँुच लगायत विभिन्न कारणले नेतृत्वमा पुगिरहेका आरोपहरु समेत लागिरहेका छन्
यसतर्फ नेपाली काँग्रेसले ध्यान दिन जरुरी छ, यस्ता गतिविधिमा संलग्न भएकाहरुलाई पार्टीले के कारबाही गर्दा आमनागरिकबाट त्यहि खालको मुल्याँकन हुनेछ । यस्ता व्यक्तिलाई पार्टीमा राख्नुले सिंगो पार्टिको स्थिति के होला ? त्यतातर्फ पनि सोचोस् र पहिले पार्टीबाटै कडा खालको कारबाही होस् ।
सदस्यताबाट निस्कासन गरियोस् । सरकारलाई कानून अनुसार कारबाहीको सिफारिस गरोस् त्यो कारबाही औपचारिकता पुरा गर्न मात्रै नभई आमनागरिकले थाहा पाउनुपर्छ अनि मात्र नागरिकले केही राहत महसुस् गर्नेछन् ।
