धादिङ,०२ भाद्र।
लागूऔषधसहित धादिङका एक जनालाई प्रहरीले पक्राउ गरेको छ ।
धादिङको गजुरी गाउँपालिका–५ घाटबेसीबाट करिब २६४ केजी गाँजासहित वडा नं ७ का ३६ वर्षीय बुद्धिमान तामाङलाई प्रहरीले बिहीबार बिहान पक्राउ गरेको हो ।
इलाका प्रहरी कार्यालय गजुरीबाट खटिएको प्रहरीले काठमाडौंबाट भैरहवा जान लागेको ग.१ ख ९७५४ नम्बरको ट्रकमा लोड गर्दै गरेको अवस्थामा उक्त गाँजा फेला पारी ट्रक चालक तामाङलाई पक्राउ गरेको प्रहरीले जनाएको छ ।
