धादिङ,०५ भाद्र ।
काठमाडौंको चन्द्रागिरी नगरपालिका–२ नागढुङ्गाबाट अवैध लागूऔषध सहित दुई जना पक्राउ परेका छन् ।
गएराति धादिङबाट काठमाडौंतर्फ जाँदै गरेको बा.४ ख २८८३ नम्बरको टिपरलाई नागढुङ्गास्थित चेकप्वाइन्टमा खटिएको प्रहरीले जाँच गर्ने क्रममा टिपरको सिट मुनि लुकाई ल्याएको करिव ५ केजी गाँजासहित दुई जनालाई प्रहरीले पक्राउ गरेको हो ।
पक्राउ पर्नेमा टिपरका चालक धादिङ गल्छी गाउँपालिका–१ बस्ने २८ वर्षीय सरोज कुमार साह र सहचालक २२ वर्षीय नबिन मगर रहेका छन्।
