धादिङ,०७ असोज ।
धादिङ बचत तथा ऋण सहकारी संघ लिमिटेडको १८ औ बार्षिक साधारण सभा सम्पन्न भएको छ । शुक्रबार धादिङबेशीमा भएको साधारण सभामा संघका सचिव शान्तबिक्रम बाँनिया द्धारा प्रस्तुत प्रगती प्रतिवेदन तथा प्रस्तावित कार्यक्रम र कोषाध्यक्ष अजुर्न आचार्यद्धारा प्रस्तुत आर्थिक प्रतिवेदन सर्वसहमत रुपमा पास गरिएको छ ।
साधारण सभाले तिन वटा जिल्लाका तिनवटा सहकारीलाई बिभिन्न मापदण्ड बाट छनोट गरि पुरस्कृत समेत गरेको छ । साधारण सभाको अवसरमा बढि शेयर पुंजी आधारमा श्रोत परिचालन बचत तथा ऋण सहकारी संस्था लि.धादिङबेशी, असल कारोबारको आधारमा कलश वचत तथा ऋण सहकारी संस्था लि. मलेखु र धेरै दैैनिक बचत कारोबारको आधारमा भैरवी बचत तथा ऋण सहकारी संस्था लि.लाई सम्मान गरिएको हो ।
संस्थाले आगमी दिनमा सवै सहकारी संस्थामा प्रशिक्षक उत्पादन गर्ने र जिल्लामा गुणस्तर सुनिश्चितता कार्यक्रम संचालन गर्ने लक्ष्य लिएको छ। संस्थाको अध्यक्ष नवराज शर्माको अध्यक्षतामा भएको साधारण सभामा बिभिन्न सहकारीका प्रमुख एवम प्रतिनिधिकको सहभागिता रहेको थियो।
