धादिङ,२७ असोज ।
६७ औँ प्रहरी दिवसको अवसरमा भोलि शुक्रबार बृहत खुल्ला रक्तदान कार्यक्रम हुने भएको छ । जिल्ला प्रहरी कार्यालय धादिङको आयोजनामा कार्यालय परिसरमा रक्तदान कार्यक्रम हुने भएको हो ।
नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोगमा हुने रक्तदान कार्यक्रम बिहान ७ बजेदेखी दिउँसो २ बजेसम्म हुने आयोजकले जनाएको छ । कार्यक्रममा सक्रिय सहभागिताका साथै रक्तदान गरी सहयोग गरिदिनहुन आयोजकले अपील गरेको छ।
