धादिङ,३१ असोज ।
धादिङको त्रिपुरासुन्दरी गाउँपालिका वडा नं २ आरूघाट क्षेत्रमा सञ्चालित खाद्यान्न/किराना पसल र होटलमा अनुगमन गरिएको छ । जिल्ला अनुगमन टोली धादिङले शनिबार त्रिपुरासुन्दरी गाउँपालिकाका ७ वटा सप्लायर्स/किराना पसल र १ वटा होटल गरी ८ वटा फर्महरूको अनुगमन गर्दा उपभोक्ता हित विपरीत गर्ने ३ वटा फर्महरुलाई नगद जरिवाना सहित कारबाही गरेको छ ।
टोलिले त्रिपुरासुन्दरी गाउँपालिका–२, आरुघाटकोे विशाल एण्ड विजय स्टोरलाई ५ हजार, नमुना किराना पसललाई ५ हजार र ससुस ट्रेडसलाई ५ हजार जरिवाना तिराइएको घरेलु कार्यालय धादिङले जनाएको छ । टोलीले अनुगमनको क्रममा १६ हजार ६ सय रुपैयाँ बराबरको म्याद गुज्रेका/सडेगलेका प्रयोग गर्न अयोग्य सामाग्रीहरु नष्ट गरेको छ ।
कारबाहीमा परेका फर्महरुले निर्धारित मुल्यभन्दा बढी रकम लिएको, म्याद गुज्रेका सामाग्री बिक्री गरेको, र दर्ता नगरी सञ्चालनमा गरेको पाइएको जरिवाना तिराईएको घरेलु कार्यालय धादिङले जनाएको छ ।
उपभोक्ताको निरन्तर गुनासो पश्चात प्रशासन, घरेलु लगाएतका सम्बन्धित निकायहरुले जिल्लाका विभिन्न स्थानहरुमा बजार अनुगमन गर्दै आएको छ। जिल्ला अनुगमन टोलीले उपभोक्तालाई सचेत बन्न र गुनासो गर्ने बानी बसाल्न आग्रह समेत गरेको छ ।
