ज्वालामुखी गाउँपालिका वडा नं. ७ धारापानीमा जारी आठौ धारापानी नाईन ए साईड फुटबल प्रतियोगितामा आज ६ खेल हुने छ । आज पहिलो खेलमा धुसेनी सामुदायिक बिकास समाज र SYDS सल्यानटार भिड्दैछन् भने दोस्रो खेलमा मुरली भन्ज्याङ्ग युवा क्लब र मिलिजुली युवा क्लब भिड्दैछन् ।
त्यसैगरि क्रमस नेत्रावती युवा क्लब र मिरमिरे युवा क्लब साथै लगनसिल युवा क्लब बि र मैदी युनाईटेड पनि आजै भिड्दैछन् भने एकता फुटबल क्लब र आदमघाट सामुदायिक युवा क्लब तथा लनगशिल युवा क्लब ए र सनराईज फुटबल क्लब बिच पनि आजै प्रतिस्पर्धा हुने आयोजकले जनाएको छ ।
लगनसिल युवा क्लबको आयोजनामा असोज ३१ गतेबाट शुरु भएको उक्त फुटबल प्रतियोगितामा जिल्लाका १८ वटा क्लबहरु सहभागी छन्। प्रतियोगिताको बिजेताले नगद रु १ लाख, ट्रफि, मेडल र प्रमाणपत्र साथै उपबिजेताले नगद रु ५० हजार, ट्रफि, मेडल र प्रमाणपत्र प्राप्त गर्ने आयोजकका कृष्ण गिदेल मगरले जानकारी दिनुभयो ।प्रतियोगिताको फाईनल तथा समापन साथै पुरस्कार वितरण कार्यक्रम कार्तिक ५ गते हुनेछ।
