धादिङ,२५ मंसिर ।
धादिङमा डेंगी संक्रमित हुनेको संख्या २ हजार ५४३ पुगेको छ । स्वास्थ्य कार्यालय धादिङका अनुसार आज नीलकण्ठ नगरपालिकाका ३ जना पुरुषमा संक्रमण पुष्टि भएसँगै जिल्लामा बिरामीको संख्या २ हजार ५४३ पुगेको हो।
जसमा १ हजार ३६४ जना पुरुष र १ हजार १७९ जना महिला रहेका छन्। जिल्लाको नीलकण्ठ नगरपालिका १५ सय ९०, बेनीघाटमा रोराङमा १३९, गल्छिमा १३२, गजुरीमा १२०, धुनिबेशीमा ९४ जना संक्रमित रहेका छन् ।
यस्तै सिद्धलेकमा ८८, त्रिपुरासुन्दरीमा ८१, ज्वालामुखीमा ७९, गंगाजमुनामा ३४, थाक्रेमा १८, नेत्रावती डबजोङमा १५, रुवीभ्यालीमा १४, खनियावासमा ७ जना रहेको स्वास्थ्य कार्यालय धादिङको विवरणमा उल्लेख गरिएको छ ।
