धादिङ,२३ बैशाख ।
एन.एस.मिडिया धादिङले प्रकाशन गरिएको ‘जनयुद्धमा धादिङ’ पुस्तक विमोचन गरिएको छ । आज धादिङबेशी स्थित क्रिक रिसोर्टमा एक कार्यक्रम बिच बागमती प्रदेशका मुख्यमन्त्रि शालिकराम जमकट्टेलले उक्त पुस्तकको विमोचन गर्नुभएको हो ।
पुस्तकमा २०५२ साल देखि २०६२ साल सम्म चलेको जनयुद्धका क्रममा धादिङमा मारिएकाहरुको जीवनी, वेपत्ता, घाईते/अपाङ्ग, विस्थापितहरुको सूची, जनयुद्ध संस्मरण, ऐतिहासिक फोटोहरु समेटिएको छ ।
पुस्तक लोकार्पण कार्यक्रममा बोल्नु हुदै कार्यक्रमका प्रमुख अतिथि मुख्यमन्त्री शालिकराम जमकट्टेलले जनयुद्धमा धादिङ पुस्तक एक ऐतिहासिक दस्तावेज बनेको र भोलीको पुस्ताले धादिङको ईतिहास यस पुस्तक बाट पाउने बताउनु भएको छ । उहाँले फरक प्रसङगमा ब्यवस्था परिवर्तन गर्नको निमित्त लागीपर्नेहरु अव एक ठाउँमा उभिन पर्ने बेला आएको बताउनु भएको छ ।
कार्यक्रमका विशेष अतिथि तथा संघीय सांसद रामनाथ अधिकारीले जनयुद्धको उपलब्धीलाई अझै संस्थागत गर्न बाँकी रहेको बताउँदै जनयुद्धको क्रममा धादिङमा सबै दल, सेना प्रहरी र सामान्य नागरिक कतिले सहादत प्राप्त गरेका थिए एउटा महत्वपूर्ण कलेक्सनका रुपमा धादिङमा जनयुद्ध पुस्तक आएकोमा खुसी व्यक्त गर्नु भएको थियो ।
सोहि कार्यक्रमलाई सम्बोधन गर्नुहुदै नीलकण्ठ नगरपालिकाका मेयर भिमप्रसाद ढुङ्गानाले पुस्तकले उठाएको मर्मलाई स्थानीय सरकारले स्थानीय शिक्षाको पठ्यक्रममा समेत राख्नु पर्ने भन्दै अब प्रदेश सरकार र स्थानीय सरकार मिलेर धादिङमा जिल्लाका सबै सहिदहरुको स्मृतिमा जनयुद्ध स्मृतिपार्क बनाउनु पर्ने बताउनु भएको थियो ।
पुस्तकबारे आफ्नो धारण राख्दै डा. नविनबन्धु पहाडी र डा। हरिप्रसाद सिलवालले पुस्तक ऐतिहासिक दस्तावेजको रुपमा आएको सकारात्मक पाटो हुँदा हुँदै पनि द्वन्दको क्रमका सहिद परिवारको अवस्था, घाईते/अपाङ्ता भएका व्यक्तिको अहिलेको अवस्था के कस्तो छ, त्यो विषय छुटेको र भाषागत शुद्धताको बिषयमा औंल्याउनु भएको थियो ।
कार्यक्रम बेनीघाट रोराङ गाउँपालिकाका अध्यक्ष एवम् पुस्तक प्रकाशन समितिका संयोजक कृष्णबहादुर थपलिया ९विवेक० को सभापतित्वमा भएको थियो । कार्यक्रम कै अवसर पारेर आयोजकले पुस्तक प्रकाशनको लागि सहयोग गर्ने स्थानिय तह तथा ब्यक्तीहरुलाई सम्मान समेत गरिएको थियो ।
