धादिङ,२८ बैशाख ।
हात हतियार खरखजना मुद्दाका एक फरार प्रतिवादी धादिङबेशीबाट पक्राउ परेका छन् ।
पक्राउ पर्नेमा नीलकण्ठ नगरपालिका वडा नं.१ केराबारी बस्ने केराबारी कान्छा भन्ने बिनोद बहादुर गुरुङ रहेको जिल्ला प्रहरी कार्यालय धादिङले जनाएको छ ।
गुरुङलाई हातहतियार खरखजाना सम्बन्धी कसुरमा धादिङ जिल्ला अदालतले २०७८ मंसिर १४ गतेको आदेशले ४ महिना कैद र पाँच हजार जरिवाना तोकेको थियो ।
फरार रहेका गुरुङलाई मंगलबार पक्राउ गरी कैद तथा जरिवाना भुक्तानको लागि बुधबार कारागार चलान गरिएको प्रहरीले जनाएको छ ।
