धादिङ,२९ बैशाख ।
धादिङको सिद्धलेक गाउँपालिकाले गाँई/भैसीको ओसार पसारमा रोक लगाएको छ । गाउँपालिकाले बिहिबार एक सुचना जारि गर्दै गाँइ भैसीको ओसारपसार नगर्न/नगराउन आग्रह गरेको हो ।
गाई भैंसीमा लाग्ने लम्पी स्किन डिजिज लक्षणको आधारमा नमुना संकलन गरी पि.सि.आर विधिबाट परिक्षण गर्दा सिद्धलेक गाउँपालिकाको वडा नं २ र ४ को गाई/भैसीमा समेत लम्पी स्किन डिजिज प्रमाणित भएकोले अन्य वडाहरुको गाई/गोरुहरुमा पनि रोगको लक्षणहरु देखा परेकोले अन्यन्त्र जिल्ला/पालिकाबाट सिद्धलेक गाउँपालिका भित्र वा बाहिर र गाउँपालिकाको विभिन्न वडाहरुमा समेत गाई/भैँसी एक वडा/स्थानबाट अन्य वडा/स्थानमा ओसार पसार नगर्न/नगराउन सूचनामा भनिएको छ ।
साथै सूचनालाई अटेर गरि गाँइ भैसीको ओसारपसार जस्ता क्रियाकलापहरु गरेको पाईएमा प्रचलित कानुन बमोजिम कारवाही समेत गरिने सुचनामा उल्लेख गरिएको छ।
गाई/भैँसीमा लम्पी स्किन डिजिजका लक्षणहरु :
१. कचेरा निकाल्ने, सिगान बगाउने तथा धेरै फिज निकाल्ने
२. शरीरका विभिन्न भागहरुमा जस्तै घाँटी, पछाडिको खुटा, पेट तथा थुनको वरीपरी साना देखि ठुला गिर्खाहरु देखिने
३. उच्च ज्वरोा १०४ डिग्री फरेनहाईट भन्दा माथि आउने
४. बाथ जस्तो घुँडाहरु सुन्निने गर्भ तुहिने दुध उत्पादन घट्ने
यो रोग सर्ने माध्यमहरु
१. लामखुटे झिगाँ किर्ना आदिको टोकाइबाट
२.संक्रमित गाई÷भैँसीको ओसार पसारबाट
३. संक्रमित र निरोगी गाईँ/भैसीकको प्रत्यक्ष वा अप्रत्यक्ष सम्पर्कबाट
४. संक्रमित पशुहरुलाई प्रयोग गरिएको निडिलको प्रयोगबाट
उपचार तथा रोकथामका उपायहरु
१. यो रोगको ठोस उपचार नभएको हुँदा प्राविधकको सल्लाह तथा लक्षणको आधारमा उपचार गर्ने
२. संक्रमित क्षेत्रबाट गाईँ/भैसी ओसारपसार नगर्ने
३.लामखुटे झिँगा किर्ना आदिको नियन्त्रण गर्ने र गोठ वरपरको वातावरण निसंक्रमण गरी सफा राख्ने ।
