धादिङबेशी । लायन्स क्लब अफ धादिङ भैरबीको लायन वर्ष २०२६/०२७ का लागि सम्पन्न निर्वाचन कार्यक्रममार्फत नयाँ कार्यसमिति चयन गरिएको छ।
निर्वाचनबाट अध्यक्षमा लायन प्रकाश सापकोटा निर्वाचित हुनुभएको छ भने प्रथम उपाध्यक्षमा लायन यमबहादुर श्रेष्ठ र द्वितीय उपाध्यक्षमा लायन जयराम अर्याल चयन हुनुभएको छ। त्यसैगरी, सचिवमा लायन सिताराम अर्याल र कोषाध्यक्षमा लायन सन्तोष अधिकारी निर्वाचित हुनुभएको छ।
सदस्यहरूमा लायन हरेराम शाह, लायन शोभा छत्कुली, लायन अर्जुन कुमार श्रेष्ठ र लायन गोकर्ण घिमिरे चयन हुनुभएको छ। नवनिर्वाचित कार्यसमितिले क्लबको सेवा, नेतृत्व विकास तथा सामाजिक कार्यलाई अझ प्रभावकारी बनाउने प्रतिबद्धता व्यक्त गरेको छ।
बर्ष २०२६ २०२७ को लागी सारथी होटल धादिङबेशीमा भएको ईलेसन कार्यक्रममा क्लवका अध्यक्ष बद्री अधिकारीको अध्यक्षता, लायन्स क्लव अफ ३२५ आईका रिजन ५ का रिजन चियर पर्सन कृष्ण बहादुर पौडलको प्रमुख आतिथ्यता, जोन चियर पर्सन कृष्ण प्रसाद ढकाल शिशिरको बिशेष आतिथ्यता र धादिङ मण्डलीका अध्यक्ष महेश रिजालको आतिथ्यता रहेको थियो ।
