नेपालमा कोरोनाका सक्रिय संक्रमित ७७ हजार नाघेको छ।
पछिल्लो २४ घण्टामा देशभर १७ हजार ४३७ नमुना परीक्षण गर्दा ६ हजार ४६२ जनामा कोरोना संक्रमण पुष्टि भएसँगै सक्रिय संक्रमितको संख्या ७७ हजार ४० पुगेको आज स्वास्थ्य तथा जनसंख्या मन्त्रालयका सहप्रवक्ता डा.समिर कुमार अधिकारीले प्रेस बिफ्रिङका क्रममा बताउनुभयो।
आजदेशभरका प्रयोगशालाबाट १३ हजार ३७७ जनाको पीसीआर गर्दा ५ हजार ५९८ र ४ हजार ६० जनाको एन्टिजेन परिक्षणमा ८ सय ६४ गरी ६ हजार ४६२ जनामा सङ्क्रमण पुष्टि भएको उहाँले बताउनुभयो।
शनिबार १० हजार २५४ संक्रमित थपिएका थिए। यो सँगै देशभर संक्रमित हुनेको संख्या १० लाख २३ हजार ३०७ पुगेको छ ।यसैगरी पछिल्लो २४ घण्टामा १ हजार ४१६ संक्रमित डिस्चार्ज भएसँगै संक्रमित भई निको हुनेको सङ्ख्या ८ लाख २१ हजार ६९९ पुगेको छ। सङ्क्रमणमुक्त हुनेको दर ९०.३ प्रतिशत रहेको छ।
यस्तै पछिल्लो २४ घण्टामा संक्रमणका कारण ४ जनाको मृत्यु भएसँगै हालसम्म सङ्क्रमणका कारण मृत्यु हुनेको संख्या एघार हजार ६५५ पुगेकोे स्वास्थ्य तथा जनसंख्या मन्त्रालयका सहप्रवक्ता डा.अधिकारीले बताउनुभयो।
