चारदेशीय टी–ट्वान्टी क्रिकेट सिरिज अन्तर्गत ओमानले नेपाललाई १ सय ३६ रनको लक्ष्य दिएको छ । अल अमेरात क्रिकेट ग्राउन्डमा टस हारेर पहिले ब्याटिङ गरेको आयोजक ओमानले निर्धारित २० ओभरमा ६ विकेट गुमाउदै १ सय ३५ रन बनायो ।
उसका लागि मोहम्मद नदिमले अविजित ४३ तथा जिसन मक्सुदले ३१ रन बनाए । जातिन्दर सिंहले १३, अयान खान ११ तथा कस्यप प्रजापतिले ११ रन जोडे ।
नेपालका लागि अविनाश बोहराले सर्वाधिक ३ विकेट लिंदा । कप्तान सन्दीप लामिछाने, कमल ऐरी, र आरिफ शेखले एक–एक विकेट हात पारे । नेपालले केहीबेरमा जवाफी ब्याटिङ थाल्नेछ।
