काठमाडौँ,०१ फागुन ।
नेपाली बजारमा आज सुनको मूल्य बढेको छ।
नेपाल सुनचाँदी व्यवसायी महासंघका अनुसार शुक्रबार छापावाल सुनको भाउ तोलाको ९४ हजार रुपैयाँ कायम भएकोमा आइतबार तोलामा १ हजार ५ सय रुपैयाँले बढेर ९५ हजार ५ सय रुपैयाँमा कारोबार भएको छ । तेजावी सुनको मूल्य भने तोलाको ९५ हजार रुपैयाँ निर्धारण भएको छ ।
त्यस्तै, आज चाँदीको मूल्य पनि बढेको छ । आइतबार चाँदी तोलामा २० रुपैयाँले बढेर एक हजार ३ सय रुपैयाँ कायम भएको महासंघले जनाएको छ ।
