धादिङ,१३ चैत।
ललितपुरको बल्खुमा मोटरसाइकल दुर्घटना हुँदा एक जना प्रहरी जवानको मृत्यु भएको छ।एक जना घाईते भएका छन्।
आइतबार बिहान साढे २ बजे बल्खुबाट सातदोबाटो आउनेक्रममा बा ८३ प ८९८५ नम्बरको मोटरसाइकल दुर्घटना हुदाँ प्रहरी जवान धादिङ घर भएका ३१ वर्षीय चालक नवीन न्यौपानेको मृत्यु भएको महानगरीय प्रहरी परिसर ललितपुरका प्रहरी उपरीक्षक शिद्दीबिक्रम शाहले जानकारी दिनुभयो।
गम्भीर घाइते भएका न्यौपानेको उपचारको क्रममा सानेपा स्थित स्टार अस्पतालमा राती सवा २ बजे मृत्यु भएको हो ।
यस्तै न्यौपानेसँगै मोटरसाइकलमा सवार तनँहुको आबु खैरेनी घर भई हाल महानगरीय प्रहरी वृत्त सातदोबाटोमा कार्यरत प्रहरी जवान सुमन कुमार सिंह रहेका छन् । उनको पनि सोही अस्पतालमा उपचार भइरहेको छ ।
महानगरीय प्रहरी वृत्त चापागाउँमा कार्यरत प्रहरी जवानहरु बल्खुबाट ड्युटी सकेर फर्किनेक्रममा गएराती सवा १ बजे नियन्त्रण गुमाएर पल्टीएको प्रहरी उपरीक्षक शाहले जानकारी दिनुभयो।मृतक न्यौपानको शव पोष्टमार्टमको लागि पाटन अस्पतालमा राखिएको प्रहरीले जनाएको छ।
