धादिङ,२५ चैत।
ह्वासिन सिमेन्टको पिपिसी सिमेन्ट बजारमा आएको छ । धादिङको वेनिघाट रोराङ गाउँपालिकाको ताल्तीमा रहेको ह्वासिन सिमेन्ट कम्पनीलाई नेपाल नापतौल तथा गुणस्तर विभागले चरण १ अन्तर्गत परीक्षण बिक्री सुरु गर्न अनुमति दिएसगैँ शुक्रबारबाट पीपीसी सिमेन्टको बिक्री सुरु गरेको हो ।
सिमेन्ट कम्पनी यो चरणमा पास भएर पुनः दोस्रो चरणमा प्रवेश गर्नेछ। परीक्षण बिक्रीको दोस्रो चरण पनि पास भएमा मात्रै नेपाल गुणस्तर चिन्ह प्राप्त गर्नेछ ।सिमेन्टको मूल्यमा अन्य सिमेन्टको तुलनामा केही सस्तो हुने कम्पनीले जनाएको छ ।हाल कम्पनीले ५० किलोे प्रतिबोरा पीपीसी सिमेन्टको कम्पनी मूल्य ५ सय ३० रुपैंया राखेको छ ।
