धादिङ,०२ बैशाख ।
नेपालमा थप १४ जनामा कोरोना भाइरसको सङ्क्रमण पुष्टि भएको छ । गत २४ घन्टामा देशभर ३ हजार ९०३ कोरोना परीक्षण गर्दा १४ संक्रमित थपिएका छन् भने ५५ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ।
अब देशभर सक्रिय सङ्क्रमितको सङ्ख्या ४ सय ३८ जना मात्रै रहेको छ। देशभर ३ हजार ३० आरटी पिसिआर परीक्षणमा १४ जना र ८ सय ७३ एन्टिजेन परीक्षणमा संक्रमण शुन्य रहेको छ ।
यस्तै संक्रमण कारण मृत्यु हुने पनि शुन्य रहेको छ । योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६६ हजार २५९ पुगेको छ भने ११ हजार ९ सय ५१ जनाको मृत्यु भएको छ।
देशभर आजसम्म ११ लाख १८ हजार ८७२ कोभिड संक्रमित भएको मन्त्रालयको तथ्याङ्कमा उल्लेख गरिएको छ।
