धादिङ,२३ बैशाख ।
इमान्दारिता र निष्ठाका एक पर्याय बन्नु भएका गल्छी गाउँपालिका नेकपा एमालेका तर्फबाट उपाध्यक्ष उम्मेदवार ४७ वर्षीया राधा तिमल्सीना पुनःउपाध्यक्षमा नर्वाचित गराउन मतदाताहरुलाई आग्रह गर्नुभएको छ ।
शिक्षकबाट सक्रिय राजनितिमा आउनुभएका तिमल्सीना सामाजिक न्याय र यससंगै विकासलाई अघि बढाउँदा बढाउँदै ५ वर्ष काम गरि सकिएको बताउनुभयो । २०७४ को निर्वाचनमा विजयी भएपछि न्यायिक समिति मार्फत जनताको सेवामा लागिरहेको बताउनुभयो ।
शुशासनका लागि आफूले पहल गर्दा पनि अबरोध आइरहेकोले आगामी दिनमा त्यसलाई चिरेर अघि बढ्ने र योजनाहरुमा हुने काम पारदर्शी बनाउन आफू अनुगमन समितिको संयोजक भएकोले जनताले सबै सूचना जानकारी पाउने व्यवस्था मिलाउने तिमल्सीनाको भनाइ छ ।
गाउँपालिका अध्यक्ष ठेकेदारको पक्षमा लागेर विकासका काम कमजोर पार्न खोज्दा आफूले अनुगमन मार्फत विकास योजनाहरुलाई सही ठाउँमा ल्याउने कोसिस गरेको बताउने उपाध्यक्ष तिमल्सीना निरन्तर शिक्षक संगठनमा आवद्ध अशल सरल र योजनावद्ध विकासको पक्षमा हुनुहुन्छ ।
२०४६ मा विद्यार्थी राजनितिबाट अनेरास्ववियुमा संगठित हुनुभएका तिमल्सीना २०५२ माशिक्षकको नियुक्ति लिएर भुवनेश्वर आधारभुत विद्यालयमा जानुभएको थियो । २०५४ देखि अनेमसंघ जिल्ला कमिटि, २०६५ देखि नेकपा एमाले जिल्ला कमिटि सदस्य, भएर निरन्तर पार्टी संगठन जोगाउनुभएका तिमल्सीनालाई गल्छी बासीले दोश्रो कार्याकल उपाध्यक्ष भएर काम गर्न आग्रह गरेपछि पार्टीको टिकटमा उठेको बताउनुभयो ।
गत वर्षमा महिला हिंसा विरुद्धका अभियान संचालन, विद्यालयमा छात्राहरुका लागि प्याड खरिद गरेर वितरण, स्वास्थ्य विन्दुहरु संचालन, महिलाहरुका लागि व्यवसाय गर्न तालिम र व्यवसाय छनौट गरि संचालन गर्न सहयोग जस्ता कार्यक्रमहरु विशेष गरि आफ्नो पहलमा संचालन गर्नुभएको छ ।
खानेपानी, ग्रामीण सडक वडा कार्यालय निर्माण कार्य गरिएको छ । योजनाहरु सुरु भएको छ । पुरा गर्न आफूले रणनिति बनाएर गर्नका लागि आफूलाई जिताउन उपाध्यक्ष तिमल्सीनाले आग्रह गर्नुभएको छ ।
