धादिङ,१८ असार ।
पूर्व संचारकर्मी रवि लामिछाने नेतृत्वको राष्ट्रिय स्वतन्त्र पार्टीले २१ सदस्यीय केन्द्रीय कार्यसमिति सदस्यको नाम सार्वजनिक गरेको छ ।
शुक्रबार निर्वाचन आयोगले दर्ताको प्रमाणपत्र दिएपछि राष्ट्रिय स्वतन्त्र पार्टीका प्रवक्ता मुकुल ढकालले एक विज्ञप्ति जारी गरी केन्द्रीय समितिका २१ जनाको नाम सार्वजनिक गरेका हुन् ।
जसमा धादिङ जिल्लाबाट ४ जना केन्द्रीय कार्यसमिति सदस्यमा चयन भएका छन् । धादिङको ज्वालामुखी गाउँपालिबाट डोल प्रसाद अर्याल, बसुमायाँ तामाङ, विष्णुकुमार श्रेष्ठ र त्रिपुरासुन्दरी गाउँपालिकाबाट उपेन्द्र पाण्डे चयन भएका हुन् ।
जसमा प्रवक्ता बाहेक पदाधिकारी हुने छैनन् । पार्टीको पहिलो बैठकबाट ढकाललाई प्रवक्ताको जिम्मेवारी दिइएको थियो । प्लेन तदर्थ समितिको बनाएको राष्ट्रिय स्वतन्त्र पार्टीले भातृ संगठन पनि नबनाउने नीति लिएको छ ।
उक्त पार्टीमा कार्यकर्ता नभई सदस्य मात्रै छन् । राष्ट्रिय स्वतन्त्र पार्टीले एक वर्षपछि पार्टीले महाधिवेशन गर्नेछ । महाधिवेशन नभएसम्म सभापति र प्रवक्ता बाहेकका पदाधिकारी हुने छैन । शुक्रबार दर्ता गरेको राष्ट्रिय स्वतन्त्र पार्टीले गोलाकार भित्र घण्टी चुनाव चिन्ह पाएको छ ।
