काठमाडौ,२१ असार ।
रामेछापबाट काठमाडौंका लागि हिडेँको बस दुर्घटना हुँदा कम्तिमा ११ जनाको मृत्यु भएको छ ।
हिलेदेबीबाट काठमाडौं आउँदै गरेको बा ३ ख ८३९६ नम्बरको बस सुनापती गाउँपालिका–५ स्थित लुभुघाटमा दुर्घटना भएको हो । दुर्घटनामा २३ जना घाइते भएको रामेछापका डिएसपी राजकुमार थिङले जानकारी दिए ।
घटनास्थलमा ९ जनाको मृत्यु भएको र उपचारका लागि लैजाँदै गर्दा बाटोमा २ जनाको मृत्यु भएको छ। घाइतेहरुलाई हेलिकोप्टरबाट उद्धार गर्ने प्रयास भइरहेको छ । केहिलाई धुलिखेल अस्पताल पठाइएको छ ।
