काठमाडौँ,२७ असार ।
आईसीसी क्रिकेट विश्वकप लिग टु अन्तर्गत स्कटल्यान्ड भ्रमणमा रहेको नेपालले आज त्रिकोणात्मक एकदिवसीय शृंखलामा नामिबियासँग खेल्दैछ । खेल नेपाली समय अनुसार दिउँसो ३ः१५ मा सुरु हुनेछ ।
नेपाल आजको खेलमा जित निकाल्दै सानदार सुरुवात गर्न चाहन्छ । तर, बलियो टोली नामिबियालाई हराउन भने नेपाललाई सहज छैन । नेपालले ब्याटिङ र बलिङमा स्थिर प्रदर्शन गर्न सकेको छैन ।
लिग २ मा नेपाल १६ खेलमा ७ मा जित र ८ मा हारका साथ १५ अंक जोड्दै पाँचौं स्थानमा छ । १५ खेलबाट १४ अंकसहित नामिबिया छैटौं स्थानमा छ । नामिबियालाई पराजित गरेमा नेपालले अंकदूरी बढाउने छ । नेपाललाई शीर्ष तीनमा पर्दै सोझैं विश्वकप ग्लोबल छनोट खेल्न बाँकी खेलमा जित्नुपर्ने दबाब छ ।
नेपालको टोली-
सन्दीप लामिछाने (कप्तान), रोहित पौडेल (उपकप्तान), आसिफ शेख (विकेटकिपर), कुशल भुर्तेल, देव खनाल, दीपेन्द्रसिंह ऐरी, आरिफ शेख, करण केसी, सोमपाल कामी, आदिल अन्सारी, बसिर अहमद, किशोर महतो, पवन सरार्फ र विनोद भण्डारी (विकेटकिपर) ।
