काठमाडौँ,०४ भाद्र ।
नेपाली काँग्रेसले यही भदौ १० देखि २४ गते सम्म जनताको साथमा काँग्रेस अभियान सञ्चालन गर्ने भएको छ ।
काँग्रेसले निर्वाचन केन्द्रीत भएर जनताको साथमा काँग्रेस नामक अभियान चलाउन लागेको हो । केन्द्रीय कार्यालय सानेपामा आज आयोजित पत्रकार सम्मेलन मार्फत पार्टी प्रवक्ता डा. प्रकाशशरण महतले मंसिर ४ गते हुने निर्वाचनका लागि यसपटक जनताको साथमा काँग्रेस नारा दिइएको बताउनुभयो ।
स्थानीय तह निर्वाचनका बेला काँग्रेसले घरघर जाऔं, काँग्रेस जिताऔं नारा सहितको अभियान चलाएको थियो । अभियान अन्तर्गत ७७ वटै जिल्लामा केन्द्रीय समितिबाट प्रतिनिधि खटाइने उहाँको भनाइ रहेको छ । प्रतिनिधिहरूलाई अभियानका बारेमा भोलि अभिमुखिकरण तालिमदिने तयारी काँग्रेसको रहेको छ ।
