धादिङ,२६ असोज ।
नेपाली काँग्रेस नेता तथा पुर्वसभापति रमेश धमलाले आफ्नो उम्मेदवारी फिर्ता लिनु भएको छ । धादिङ निर्वाचन क्षेत्र नम्बर २ बाट स्वतन्त्र उम्मेदवारी दिनुभएका धमलाले आज१२ बजेर ४० मिनेट जाँदा उम्मेदवारी फिर्ता लिनुभएको हो ।
सत्ता गठबन्धनको साझा उम्मेदवारको रुपमा उम्मेद्वारी दिएका कांग्रेस जिल्ला सभापति रामनाथ अधिकारी विरुद्ध बागी उम्मेद्वारी दिएका धमलाले बुधबार उम्मेद्वारी फिर्ता लिनुभएको हो । हेलिकप्टर चढेर उम्मेदवारी फिर्ता लिन आउनु भएका धमला उम्मेदवारी फिर्ता लिए लगत्तै काठमाण्डौँ फर्कनु भएको छ ।
उम्मेदवारी फिर्ता पछि पत्रकारसँगको सक्षिप्त कुराकानीमा गर्दै धमलाले भन्नुभयो ‘तमाम कार्यकर्ता र साथीहरुको मनोभावनालाई त्याग्न सकिनँ । त्यसैले नेपाली कांग्रेस र गठबन्धनका साथीहरुलाई सहयोग गर्नका लागि मेरो भूमिका अझैपनि विशेषगरि कार्यकर्ता र सुभेच्छुकहरुको आग्रहलाई मैले नकार्न नसकेर मेरो उम्मेदवारी फिर्ता लिएँ ।’
साथीहरुको चिन्ता र अनुरोधलाई मैले नकार्न सकिनँ ।म जुनदिनदेखि राजनीतिमा आएँ । नेपाली कांग्रेसको विद्यार्थी भएर आएँ । आज जुन ठाउँमा छु नेपाली कांग्रेसकै कारण छु,’ उनले भनेका छन्,‘सबै त्याग्न सक्छु तर नेपाली कांग्रेस त्याग्न सक्दिनँ । कार्यकर्ता तहबाट र शिर्ष नेताहरुको अनुरोधको कारण आफुले उम्मेदवारी फिर्ता लिएको बताउनु भएको छ ।
