धादिङ,०४ कात्तिक ।
१६ औँ शिक्षक नायक गोष्ठी तथा २४ औँ जुनियर युवा गोष्ठीको अवसरमा रक्तदान कार्यक्रम सम्पन्न भएको छ ।
शुक्रबार गजुरी गाउँपालिका वडा नं ८ मा रहेको किरान्चोक माध्यमिक विद्यालय परिसरमा भएको रक्तदान कार्यक्रममा ८ जना महिला र २२ जना पुरुष गरी ३० जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभएको छ ।
नेपाल रेडक्रस सोसाईटी किरान्चोक उपशाखाको आयोजना तथा किरान्चोक माध्यमिक विद्यालयको सह–आयोजनामा भएको रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग रहेको थियो ।
