सडक भासिँदा अवरुद्ध भएको पृथ्वीराज मार्ग सञ्चालनमा

धादिङ,०३ पौष ।
पृथ्वी राजमार्ग अन्तर्गत तनहुँको आँबुखैरेनी गाउँपालिका–२ स्थित खानीखोलाको पुल भाँसिदा अवरुद्ध भएको सडक सञ्चालनमा आएको छ ।

आइतबार बिहान १० बजेदेखि अवरुद्ध सडक साढे एक बजेदेखि सञ्चालनमा आएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिनुभयो । उहाँका अनुसार सडक निर्माणको क्रममा पुल भासिदा दुईतर्फी सवारी आवागमन बन्द भएको थियो । सवारी आवागमन रोकिदा सवारीसाधन रोकिएका थिए ।

पृथ्वी राजमार्ग भएर सञ्चालन हुने केही सवारी साधनले वैकल्पिक मार्गको प्रयोग समेत गरेको जिल्ला ट्राफिक प्रहरी कार्यालय तनहुँले जनाएको छ ।

सम्बन्धित शिर्षक

प्रतिक्रिया दिनुहोस्