धादिङ । नेत्रावती डबजोङ गाउँपालिका वडा नं को सार्वजनिक सुनुवाई कार्यक्रम सम्पन्न भएको छ ।
नेत्रावती डबजोङ गाउँपालिका वडा नं १ का वडा अध्यक्ष ठाकुर गुरुङको अध्यक्षता तथा गाउँपालिकाका अध्यक्ष मेघनाथ रिजालको प्रमुख आतिथ्यतामा कार्यक्रम सम्पन्न भएको हो ।
प्रत्यूष नेटवर्क प्रा.ली.ले समन्वय गरेको सार्वजनिक सुनुवाई कार्यक्रममा उठेका सवालको जवाफ गाउँपालिकाका अध्यक्ष मेघनाथ रिजाल तथा वडा अध्यक्ष ठाकुर गुरुङले दिएका थिए ।
कार्यक्रमलाई सम्बोधन गर्दै गाउँपालिकाका अध्यक्ष रिजालले आफ्नो कार्यकालमा सुशासन पार्दशिता र जवाफदेहिताको लागि सार्वजनिक सुनुवाई कार्यक्रमको आयोजना गरिएको बताएका बताउनु भएको छ । उहाँले कार्यपालिका वैठकबाट पास गरि नेत्रावती डबजोङ गाउँपालिकाको थर्पु सेमजोङ मार्पाकको बाटोलाई आगामी वर्ष देखि पिच प्रारम्भ गरी ३ वर्षभित्र पिच गरिसक्ने बताएका छन् । उहाँले आगामी वर्षबाट टुक्रे बजेट नबाँडीकन आफ्नो वडामा परेको बजेटलाई सदुपयोग गरि दिगो विकासको लागि सबैलाई लागी पर्न समेत आग्रह गर्नुभएको थियो । उहाँले विद्यालय, स्वास्थ्य क्षेत्र, खानेपानी र रोजगारीको लागि पनि पालिकाले सम्भाव्यताको खोजी गर्दै कृषिमा उत्पादन मुखी कार्यक्रम ल्याएर नेत्रावतीको विकासमा लागि पर्नेमा बताउनु भएको छ ।
सार्वजनिक सुनुवाई कार्यक्रमलाई सम्बोधन गर्दै नेत्रावती डवजोङ गाउपालिका वडा न १ का वडा अध्यक्ष ठाकुर गुरुङले वडाबासी कै सल्लाह सुझाव अनुसार कार्य सम्पादन गर्दै आईरहेको र आगामी दिनमा गुनासो पेटिकालाई थप ब्यवस्थित गरि वडा बासीको मनोभावना अनुसार कार्य गर्दै जाने बताएका छन् ।
सार्वजनिक सुनुवाई कार्यक्रममा वडाका राजनितिक दलका प्रतिनिधि,नागरिक अगुवा,वडा वासी महानुभाव लगाएत संचारकर्मीहरुको उपस्थिति रहेको थियो ।
