धादिङ,१९ माघ ।
बृह्रत पोषण विशेष कार्यक्रम सम्बन्धीे दोस्रो चरणको क्षमता अभिबृद्धि तालिम सम्पन्न भएको छ । स्वास्थ्य कार्यकर्ताहरुको लागि धादिङबेशीमा शुत्रबार देखि सुरु भएको ७ दिने तालिम आज सम्पन्न भएको हो ।
तालिममा पोषण सम्बन्धी व्यवहार सुधारको लागि परामर्श र छलफल विधिद्धारा ज्ञान, सपि र प्रोत्साहन गर्ने उद्धेश्यले तालिमको आयोजना गरिएको तालिममा जानकारी गराईएको थियो । यसैगरी कुपोषण व्यवस्थापनको लागि प्राविधिक तथा परामर्श ज्ञान, सपि र क्षमता विकास सम्बन्धि विविध विषयमा तलिममा छलफल गरिएको थियो ।
तालिम निकै प्रभावकारी रहेको भन्दै ज्वालामुखी गाउँपालिकाका अध्यक्ष यामनाथ दनैले रोग लागेपछि उपचार भन्दा रोग लाग्नै नदिन ठूलो कुरा भएको भन्दै पोषण तालिमले दिर्घकालिन फाइदा पुग्ने बताउनुभयो ।
ज्वालमुखी गाउँपालिका, नेत्रावती डबजोङ गाउँपालिका र सिद्धलेक गाउपालिकाको संयुक्त आयोजनामा कार्यक्रम संचालन गर्दा सहभागीहरुले आ–आफ्नो पालिकाका राम्रो अभ्यास र समस्याबीच छलफल गर्नुको साथै स्रोत साधनको उपयोगिताको प्रयत्न के रहेछ भन्ने जानकारी आदान प्रदान गर्न समेत सहज भएको सिद्धलेक गाउँपालिकाका प्रमुख प्रशासकीय अधिकृत राममणी मिश्रले बताउनुभयो ।
नेत्रावती डबजोङ गाउँपालिकाका स्वास्थ्य शाखा प्रमुख कृष्ण बद्रि पौडेलले भौतिक विकास भएपनि नेपाललाई अल्प विकसित राष्ट्रको रुपमा चिनिनु र विकासको सूचांकनमा अविकसित राष्ट्रमा पर्नु बाल मृत्युदर र मातृ मृत्युदर नघट्नुको साथै औसत आयु नबढ्नु नै मुख्य कारण रहेको बताउनुभयो । उहाँले अब दिर्घकालिन विकासको लागि पोषणलाई सुधार गर्नु जरुरी रहेको बताउनुभयो ।
नेत्रावती डबजोङ गाउँपालिकाका स्वास्थ्य शाखा प्रमुख पौडेलको अध्यक्षतामा सम्पन्न भएको तालिममा ज्वालामुखी गाउँपालिकाका अध्यक्ष यमनाथ दनैको प्रमुख आथित्य रहेको थियो भने नेत्रावती डबजोङ गाउँपालिकाको उपाध्यक्ष सिता माया गुरुङ, सिद्धलेक गाउपालिकाका प्रमुख प्रशाशकिय अधिकृत राममणी मिश्र, ज्वालमुखी गाउँपालिका, नेत्रावती डबजोङ गाउँपालिका र सिद्धलेक गाउपालिकाका स्वास्थ्य शाखाका कर्मचारी लगायतको सहभागिता रहेको थियो ।
