धादिङ–धादिङ जिल्लाको धुनिबेशी नगरपालिका–९ गणेशस्थानमा गुडिरहेका बसमा आगलागी भएको छ । आज धादिङको खाल्टेबाट काठमाडौंको लागि गएकोे ग १ ख ४८४६ नम्बरको यात्रुबसमा एक्कासी आगलागी भएको हो ।
तेत्तीस जना यात्रु रहेको बसमा सबै यात्रु सकुशल रहेको र बसको सिट भने जलेर नष्ट भएको छ । बसको इन्जिनबाट धुँवा निस्किनेबित्तिकै बस रोकेर यात्रुलाई बाहिर निकालेका कारण मानवीय क्षति हुन नपाएको बताईएको छ । बसमा आगो लागेपछि दमकल र स्थानीयवासीले आगो नियन्त्रणमा लिएका थिए ।
