अखिल नेपाल महिला संघ(अनेम संघ)सिद्धलेक गाउँपालिकाको अध्यक्षमा अम्विका सिलवाल(लक्ष्मि)चयन हुनुभएको छ।
बुधबार सम्पन्न भएको प्रथम गाउँ अधिवेशनबाट सिलवालको अध्यक्षतामा ७५ सदस्यीय गाउँकमिटि चयन गरेको हो।कमिटीको उपाध्यक्षमा प्रेमकुमारी थापामगर, सचिवमा जानुका दुवाडी खतिवडा, उपसचिवमा शुशिला बराम र कोषाध्यक्षमा सम्झना पोखरेल रहनु भएको छ।
कार्यक्रममा नेकपा एमाले धादिङका उपसचिव तथा अनेमसंघ केन्द्रीय सदस्य राधिका सापकोटाले महिलाको अधिकारका लागि अनेमसंघ र नेकपा एमालेले मात्र काम गर्ने भएकोले स्थानिय चुनावमा एमालेलाई जिताउन लाग्नु पर्ने बताउनुभयो ।
एमाले सिद्धलेक महिला विभाग प्रमुख लक्षमी बरामको अध्यक्षतामा भएको कार्यक्रममा एमाले धादिङकी उपसचिव तथा अनेमसंघ केन्द्रीय सदस्य सापकोटाको प्रमुख आतिथ्य रहेको थियो।
कार्यक्रममा गाउँपालिका अध्यक्ष तथा एमाले सिद्धलेक ईन्चार्ज प्रेमनाथ सिलवाल,एमाले सिद्धलेक अध्यक्ष कमला शर्मा,अनेमसंघ केन्द्रीय सदस्य गायत्री खतिवडा लगायतले शुभकामना व्यक्त गर्नुभएको थियो।
